aañkh rahzan nahīñ to phir kyā hai
luuT letī hai qāfila dil kā
Ankh
aañkh se aañkh milānā to suḳhan mat karnā
Tok dene se kahānī kā mazā jaatā hai
Ankh
āñkheñ na jiine deñgī tirī be-vafā mujhe
kyuuñ khiḌkiyoñ se jhāñk rahī hai qazā mujhe
Ankh
diloñ kā zikr hī kyā hai mileñ mileñ na mileñ
nazar milāo nazar se nazar kī baat karo
Ankh
ham mohabbat kā sabaq bhuul ga.e
terī āñkhoñ ne paḌhāyā kyā hai
Ankh
har ek aañkh meñ hotī hai muntazir koī aañkh
har ek dil meñ kahīñ kuchh jagah nikaltī hai
Ankh
idhar udhar mirī āñkheñ tujhe pukārtī haiñ
mirī nigāh nahīñ hai zabān hai goyā
Ankh
jab tire nain muskurāte haiñ
ziist ke rañj bhuul jaate haiñ
Ankh
jo un ma.asūm āñkhoñ ne diye the
vo dhoke aaj tak maiñ khā rahā huuñ
Ankh
kahīñ na un kī nazar se nazar kisī kī laḌe
vo is lihāz se āñkheñ jhukā.e baiThe haiñ
Ankh
kaifiyyat-e-chashm us kī mujhe yaad hai 'saudā'
sāġhar ko mire haath se liijo ki chalā maiñ
Ankh
laḌne ko dil jo chāhe to āñkheñ laḌā.iye
ho jañg bhī agar to mazedār jañg ho
Ankh
paimāna kahe hai koī mai-ḳhāna kahe hai
duniyā tirī āñkhoñ ko bhī kyā kyā na kahe hai
Ankh
terī āñkhoñ kā kuchh qusūr nahīñ
haañ mujhī ko ḳharāb honā thā
Ankh
tire jamāl kī tasvīr khīñch duuñ lekin
zabāñ meñ aañkh nahīñ aañkh meñ zabān nahīñ
Ankh
tumhārī āñkhoñ kī tauhīn hai zarā socho
tumhārā chāhne vaalā sharāb piitā hai
Ankh
un ras bharī āñkhoñ meñ hayā khel rahī hai
do zahr ke pyāloñ meñ qazā khel rahī hai
Ankh
us kī āñkheñ haiñ ki ik Dūbne vaalā insāñ
dūsre Dūbne vaale ko pukāre jaise
Ankh
